7. september 2019 - 10:00 til 17:00
8. september 2019 - 10:00 til 17:00
9. september 2019 - 10:00 til 17:00
10. september 2019 - 10:00 til 17:00
11. september 2019 - 10:00 til 17:00
12. september 2019 - 10:00 til 17:00
13. september 2019 - 10:00 til 17:00
14. september 2019 - 10:00 til 17:00
15. september 2019 - 10:00 til 17:00
16. september 2019 - 10:00 til 17:00
17. september 2019 - 10:00 til 17:00
18. september 2019 - 10:00 til 17:00
19. september 2019 - 10:00 til 17:00
20. september 2019 - 10:00 til 17:00
21. september 2019 - 10:00 til 17:00
22. september 2019 - 17:00
23. september 2019 - 10:00 til 17:00
24. september 2019 - 10:00 til 17:00
25. september 2019 - 10:00 til 17:00
26. september 2019 - 10:00 til 17:00
27. september 2019 - 10:00 til 17:00
28. september 2019 - 10:00 til 17:00
29. september 2019 - 10:00 til 17:00

Curver Thoroddsen

Curver Thoroddsen
Staður viðburðar: 
Reykjavík

Curver Thoroddsen er þekktur fyrir það sem hann sjálfur nefnir „raunveruleikagjörninga.” Þar setur hann daglegt líf og gjörðir í listrænt samhengi. Ýmist færir hann eigið einkalíf inn á vettvang liststofnana, eða beinir kastljósi myndlistar að sjálfum sér í amstri hversdagsins. Sem dæmi hefur hann tekið íbúðina sína í gegn, haldið upp á jólin í beinni á netinu, farið í megrun og borðað fjölda hamborgara - allt í nafni myndlistar.  Verk hans vekja upp spurningar um hlutverk listamanna í samfélaginu sem og eðli listsköpunar og -upplifunar en þau endurspegla jafnframt málefni líðandi stundar, dægurmenningu og tíðaranda. Fyrir sýninguna Haustlauka hefur Curver skapað nýtt verk, eins konar ofur-raunveruleikagjörning þar sem beinir sjónum sínum að hversdagshetjum og umhverfinu. 

Curver Thoroddsen (f. 1976) stundaði nám í myndlist við Listaháskóla Íslands þaðan sem hann útskrifaðist með BA gráðu árið 2000. Hann útskrifaðist með MFA gráðu frá School of Visual Arts í New York árið 2009. Curver starfar einnig sem tónlistarmaður og skipar ásamt Einari Erni Benediktssyni rafdúettinn Ghostigital. 

Sýningin Haustlaukar - Ný myndlist í almannarými stendur yfir utan safnhúsanna í september. Fimm myndlistarmenn sýna þar ný verk sem birtast á fjölbreyttan og nýstárlegan hátt víða um Reykjavík og í því sameiginlega rými sem tækni samtímans býður upp á. Listamennirnir eru: Ásgerður Birna Björnsdóttir, Berglind Jóna Hlynsdóttir, Curver Thoroddsen, Snorri Ásmundsson og Þóranna Björnsdóttir. Fylgist með dagskrá sýningarinnar á dagskrársíðu safnsins og á samfélagsmiðlum. Árið 2019 er ár listar í almenningsrými hjá Listasafni Reykjavíkur og er sýningin hluti af því samhengi ásamt fleiri sýningum, viðburðum og miðlunarstarfi. 

Verð viðburðar kr: 
0