7. desember 2019 - 13:00 til 15:00

Ævintýraleikvöllur/listasmiðja – EITTHVAÐ úr ENGU

Ævintýraleikvöllur/listasmiðja – EITTHVAÐ úr ENGU
Staður viðburðar: 
Hafnarhús

Ævintýraleikvöllur/listasmiðja í anda yfirlitssýningar Magnúsar Pálssonar, þar sem unnið er sérstaklega með sköpunarferli og virkni barna í leik með endurunnið efni í samstarfi við samtökin Meðvitaðir foreldrar – virðing í uppeldi.

Ókeypis er á viðburðinn, en aðgöngumiði á safnið gildir á sýningu Magnúsar. Ókeypis fyrir börn fram til 18 ára aldurs eins og er á öllum sýningum safnsins.

Athugið að gert er ráð fyrir að börn komi í fylgd fullorðinna sem hafi eftirlit með þeim meðan á smiðjunni stendur.

LEIKUM AÐ LIST er yfirskrift fjölskyldudagskrár Listasafns Reykjavíkur. Þar eru börn sérstaklega boðin velkomin í safnið ásamt foreldrum sínum til þess að skoða og upplifa myndlist í gegnum leiki og skemmtilegar umræður. Boðið er upp á fjölskylduleiðsagnir sem sniðnar eru að yngri áhorfendum um sýningar í öllum safnhúsunum. Þá eru listasmiðjur fyrir börn og fjölskyldur þeirra þar sem gaman er að skapa sín eigin listaverk saman eftir heimsókn í sýningarsalina. Við LEIKUM AÐ LIST reglulega allt árið um kring og það er um að gera að fylgjast með á dagskrársíðu safnsins. Fjölskyldurýmin eru síðan alltaf opin, Hugmyndasmiðjan á Kjarvalsstöðum, Stofa í Hafnarhúsinu og Augnablik í Ásmundarsafni.

Skráðu þig á póstlista Listasafns Reykjavíkur og fáðu upplýsingar um skemmtilega fjölskylduviðburði og aðrar uppákomur á vegum safnsins. Handhafar Árskorts Listasafns Reykjavíkur og Menningarkorts Reykjavíkur fá frítt á alla viðburði safnsins.