Kviksjá: Íslensk myndlist á 21. öld

Á sýningunni getur að líta úrval af þeim verkum sem safninu hafa áskotnast síðustu tvo áratugi. Safneignin spannar eftir því sem kostur er þá breidd og þær nýju áherslur sem er að finna í íslensku listalífi, ýmist eftir viðurkennda listamenn samtímans sem og verk yngra listafólks sem er að hasla sér völl á vettvangi myndlistarinnar. 

Í ár, 2023, fagnar Listasafn Reykjavíkur því að 50 ár eru liðin frá því að fyrsta aðsetur safnsins var formlega opnað á Kjarvalsstöðum. Í tilefni tímamótanna verður sérstakur gaumur gefinn að safneigninn og tækfærið nýtt til til þess að skoða og sýna gersemar úr safneigninni. Þessi sýning er sú þriðja í sýningarröðinni Kviksjá sem standa yfir í Hafnarhúsi og á Kjarvalsstöðum á þessu afmælisári.