Veldu ár

2021 (13)
2020 (22)
2019 (27)
2018 (19)
2017 (21)
2016 (18)
2015 (20)
2014 (19)
2013 (17)
2012 (17)
2011 (22)
2010 (26)
2009 (25)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
30.10.2021
20.03.2022

Abrakadabra

  • Heimir Björgúlfsson, Sérkennileg kristalskennd, 2008.

Við kynnumst töfrum samtímalistar á þessari einstöku sýningu fyrir alla sem vilja njóta og upplifa ný verk eftir listamenn samtímans. Sýningin hefur það markmið að kynna heim samtímalistar sem mörgum er framandi. Verkin sýna fjölbreytileika listarinnar, allt frá því að vera verk sem höfða til ímyndunaraflsins, greina náttúruna og samfélagið eða höfða til skynfæranna. 

Framsetning, miðlun og fræðsla miðar að því að opna heim myndlistar eins og hann blasir við í dag fyrir gestum safnsins á öllum aldri, jafnt þeim sem vel þekkja til og öðrum sem ekki hafa áður kynnst heimi samtímalistar. Samhliða sýningunni er sett fram ríkuleg dagskrá ásamt miðlun á stafrænu formi. „Abrakadabra“ er tökuorð úr fornum tungumálum sem merkir: Það sem ég segi verður að veruleika. Það má hugsa sér að þetta töfraorð lýsi því hvernig hugmyndir myndlistarmanna verða að listaverkum.

Í safneign Listasafns Reykjavíkur er mikill fjöldi listaverka varðveittur, þar eru um sautján þúsund skráð verk og skissur af ýmsum toga. Við innkaup listaverka í safnið á sér stað val sem endurspeglar fjölbreytileika listsköpunar hverju sinni. Á þessari sýningu eru verk sem öll eru unnin á 21. öldinni eftir fjölbreyttan hóp listamanna.

Á sýningunni Abrakadabra er stefnt að því að miðla áherslum sem er að finna í deiglu samtímans. Hvað einkennir myndlist dagsins í dag? Hver eru viðfangsefni listamanna, aðferðir, efni og áskoranir?

Smelltu á myndirnar til að skoða fleiri myndir á Instagram og póstaðu þínum eigin með því að merkja þær með #myllumerki sýningarinnar.
Mundu að fylgja Listasafni Reykjavíkur á @reykjavikartmuseum.

Viðburðir tengdir sýningu

Sýningaropnun: Abrakadabra
Hafnarhús
30. október 2021 - 14:00
Galdraleiðsögn fyrir fjölskyldur
Hafnarhús
6. nóvember 2021 - 11:00