Í þremur byggingum Listasafns Reykjavíkur, miðsvæðis í borginni, Hafnarhúsi, Kjarvalsstöðum og Ásmundarsafni eru reglulega sýnd verk eftir þrjá þekktustu listamenn þjóðarinnar, Erró, Kjarval og Ásmund Sveinsson auk fjölbreyttra innlendra og alþjóðlegra sýninga. Safnið er einnig vettvangur fyrir ungt og upprennandi hæfileikafólk.

Hafnarhús

Opnunartímar
10.00-17.00
Fimmtudaga
10.00-22.00

Kjarvalsstaðir

Opnunartímar
10.00-17.00

Ásmundarsafn

Opnunartímar
Maí–September 10:00–17:00
Október–Apríl 13:00–17:00

Aðgangseyrir
Fullorðnir
1840 kr.
Námsmenn
1100 kr.
Yngri en 18 ára
Frítt
Öryrkjar
Frítt

Bóka skólahóp
Tekið á móti skólahópum með kennurum án endurgjalds skv. gildandi tilmælum sóttvarnaryfirvalda og skólayfirvalda vegna Covid-19.

Leiðsögn fyrir hópa á opnunartíma
20.000 kr. + 1840 kr. aðgangseyrir fyrir hvern gest. Ef hópurinn samanstendur af 10 gestum eða fleirum er verðið 20.000 kr. + 1100 fyrir hvern gest.

Leiðsögn fyrir hópa utan opnunartíma
Allt að 30 gestir: heildarverð 55.350 kr. (aðgöngumiði innifalinn). 30+ gestir: heildarverð 73.800 kr. (aðgöngumiði innifalinn). Hægt er að panta léttar veitingar skv. samkomulagi.
Nánari upplýsingar í síma 411 6400 eða á fraedsludeild hjá reykjavik.is

Góð aðstaða er fyrir börn og fjölskyldur í Stofunni á fyrstu hæð Hafnarhússins, í Hugmyndasmiðjunni á Kjarvalsstöðum og í Augnabliki í Ásmundarsafni.

Aðgöngumiðinn gildir í sólarhring í Hafnarhús, á Kjarvalsstaði og í Ásmundarsafn.

Stakur miði í Ásmundarsafn kostar 1100 kr.

Veitingastaðurinn Klambrar Bistro á Kjarvalsstöðum, sími 411 6425.

Covid-19
Vegna samkomutakmarkana geta tíu gestir verið í safnhúsunum í einu. Til að auðvelda gestum að skoða sýningar safnsins gefst kostur á að bóka heimsókn í Hafnarhús eða á Kjarvalsstaði á fyrirfram ákveðnum tíma á netinu. Eftir sem áður er gestum velkomið að koma án fyrirvara en bókaðir gestir hafa forgang í röð og gildir hver bókun í einn klukkutíma:

Hafnarhús – BÓKA NÚNA
Kjarvalsstaðir – BÓKA NÚNA  

Ásmundarsafn verður lokað til loka janúar 2021 vegna breytinga.

Opnunartími um jól og áramót

Hafnarhús
Opið 26. des.: 13–17.00
Opið 31. des.: 10–14.00
Opið 1. jan.: 13–17.00
Lokað 24. og 25. des.

Kjarvalsstaðir
Opið 26. des.: 13–17.00
Lokað 24., 25., 31. des. og 1. jan.

Ásmundarsafn 
LOKAÐ

Opnunartími um páska

Listasafn Reykjavíkur er lokað á páskadag, aðra daga er opið samkvæmt venju.

Strætisvagnar og bílastæði
 
Hafnarhús, Tryggvagata 17
Bílastæðahús á Hafnartorgi og á Vesturgötu 7.
Strætisvagnar nr. 1, 3, 6, 11, 12, 13, 14.
 
Kjarvalsstaðir, Flókagata 24 
Gjaldfrjáls bílastæði.
Strætisvagnar nr. 1, 3, 6, 11, 13.
 
Ásmundarsafn, Sigtún 
Gjaldfrjáls bílastæði.
Strætisvagnar nr. 2, 5, 14, 15, 17.

 

Árskort Listasafns Reykjavíkur

 

Árskort Listasafns Reykjavíkur veita aðgang að öllum sýningum og viðburðum á vegum safnsins, nema annað sé tekið fram. Árskortin veita einnig 10% afslátt í safnverslunum Listasafns Reykjavíkur og 5% á veitingastaðnum á Kjarvalsstöðum. Hægt er að kaupa árskortin í móttökum safnhúsanna þriggja.

Verð: Árskort - 4.500 kr. / Árskort +1 - 6.800 kr. / Árskort <28 ára - 3.900 kr.

Menningarkort Reykjavíkur

 

Menningarkort Reykjavíkur er hagkvæm leið til að njóta menningarlífsins í Reykjavíkurborg á betri kjörum. Menningarkortið veitir aðgang að Listasafni Reykjavíkur; Hafnarhúsi, Kjarvalsstöðum og Ásmundarsafni, Borgarsögusafni Reykjavíkur; Árbæjarsafni, Sjóminjasafninu í Reykjavík, Landnámssýningunni, Ljósmyndasafninu og afslátt í Viðeyjarferjuna. Hjá Borgarbókasafni Reykjavíkur fæst bókasafnskort gegn framvísun kortsins. Menningarkortið veitir einnig afslætti og tilboð á fjölmarga viðburði, tónleika, kvikmyndahús og veitingahús. Verð kr. 6.500, gildistími eitt ár. Menningarkort 67+. Verð 1.800. Nánari upplýsingar: menningarkort.is

Aðgengi fyrir hreyfihamlaða er mjög gott í Hafnarhúsi og á Kjarvalsstöðum og hægt er að fá hjólastól lánaðan á báðum stöðum. 

Kerrur, vagnar og læstir skápar Í Hafnarhúsi og á Kjarvalsstöðum er hægt að geyma barnavagna og fá lánaðar léttar kerrur og magapoka. Þar eru einnig læstir skápar fyrir töskur og bakpoka. Barnavagnar, bakpokar, stórar töskur, regnhlífar og aðrir fyrirferðarmiklir hlutir eru ekki leyfðir í sýningarsölunum af öryggisástæðum.

Ljósmyndun Heimilt er að ljósmynda sýningar til einkanota nema þess sé sérstaklega getið.

Umgengnisreglur Gestir eru vinsamlegast beðnir um að snerta ekki listaverkin í safninu. Matur og drykkir eru ekki leyfðir í sýningarsölunum. 

Óheimilt er að koma með dýr á safnið nema um sé að ræða hjálparhunda.