2 fyrir 1 á Kjarvalsstaði í september fyrir menningarkortshafa

2 fyrir 1 á Kjarvalsstaði í september fyrir menningarkortshafa

Í september fá handhafar Menningarkorts Reykjavíkur 2 fyrir 1 á Kjarvalsstaði og geta því boðið með sér gesti að kostnaðarlausu.

Á Kjarvalsstöðum stendur yfir sýningin Kjarval - úr safneign, auk þess sem sýningin Vistkerfi lita eftir Hildi Bjarnadóttur opnar nú um helgina. Á sýningu Hildar má sjá ný verk sem hún hefur unnið undanfarin ár. Í verkunum skoðar listakonan landið og tilvist þess frá mismunandi sjónarhornum.

Menningarkort Reykjavíkur er árskort í söfn Reykjavíkurborgar. Kortið veitir 10% afslátt í Safnbúðum Reykjavíkur og veitingasölum safnanna. Að auki eru fjölmörg mánaðarleg tilboð hjá samstarfsaðilum kortsins.