Aðgengi í Hafnarhúsi

Inngangur

Inngangur í Hafnarhús er frá Tryggvagötu. Þar er rennihurð sem opnast sjálfkrafa og er aðgengi án þröskulda. Þegar inn er komið blasir við móttaka á vinstri hönd og safnbúð á hægri hönd.

Bílastæði

Nokkur bílastæði eru bakvið Hafnarhúsið Geirsgötumegin, aðgengileg frá Tryggvagötu. Einnig er fjöldi bílastæða í bílastæðahúsi á Hafnartorgi sem er aðgengilegt frá Geirsgötu og í bílastæðahúsinu Vesturgötu 7. Allt eru þetta gjaldskyld bílastæði á vegum Reykjavíkurborgar.

Hjól og rafskútur

Hjólastandar eru í Grófinni við Borgarbókasafnið.

Almenningssamgöngur

Strætisvagnar nr. 1, 3, 6, 11, 12, 13, 14.

Barnakerrur

Í Hafnarhúsi er hægt að geyma barnavagna og fá lánaðar léttar kerrur. Stórir barnavagnar eru ekki leyfðir í sýningarsölunum af öryggisástæðum.

Fatahengi og læstir skápar

Hægra megin við miðasöluna eru læstir skápar fyrir töskur og bakpoka. Barnavagnar, bakpokar, stórar töskur, regnhlífar og aðrir fyrirferðarmiklir hlutir eru ekki leyfðir í sýningarsölunum af öryggisástæðum. Fatahengi má finna inn af ganginum þar sem skáparnir eru.

Salerni

Salerni má bæði finna á jarðhæð við miðasöluna og á 2. hæð við kaffiaðstöðuna. Salerni fyrir hreyfihamlaða eru vinstra megin við miðasölu á jarðhæð og á sama stað og hin salernin á 2. hæð.

Lyftur

Lyfta er á milli hæða safnsins, á móti innri stiganum á jarðhæðinni.

Stólar/aðstaða til að setjast niður

Sýningarnar breytast reglulega en venjulega má gera ráð fyrir bekk til að setjast á í öllum sýningarsölum. Ef ekki er bekkur eru kollar sem gestir geta beðið um í móttöku safnsins. 

Nestisaðstaða

Á 2. hæð er aðstaða til að setjast niður og fá sér nesti og hvíla sig. Þar er venjulega kaffi og vatn í boði fyrir gesti.

Fjölnotasalur

Á jarðhæð, til móts við Portið, er fjölnotasalurinn. Hann er notaður fyrir fundi, fyrirlestra, málþing, smiðjur og aðra viðburði. Enginn þröskuldur er í fjölnotasalinn.

Stofan

Til móts við innganginn á jarðhæð, norðan megin í safninu, er Stofan. Þar er venjulega lítið áreiti og gott að slaka á. Í stofunni er bókasafn og venjulega bækur og annar fróðleikur sem tengist sýningunum hverju sinni. Einnig er þar aðstaða fyrir fjölskyldur og börn en þar er að finna liti og blöð ásamt einhverjum leikföngum.

Leiðsagnir

Reglulega eru haldnar leiðsagnir á einstökum sýningum og eru þær auglýstar sérstaklega. Starfsmenn safnsins taka vel á móti hópum eftir samkomulagi. Smellið hér til að fá pplýsingar um dagská safnsins.

Í almennum heimsóknum á Listasafn Reykjavíkur gildir aðgöngumiði í 24 klukkustundir svo að hægt er að koma og fara í öll þrjú safnhúsin á þeim tíma; Hafnarhús, Kjarvalsstaði og Ásmundarsafn.

Áreiti

Áreiti er misjafnt eftir hverri sýningu og starfsfólk móttöku safnsins getur upplýst gesti hverju sinni um hvernig sýningu megi búast við. Oftast er safnið rólegur staður til að heimsækja en stundum eru myndbandsverk með hljóði sem geta valdið áreiti. Lýsing í sölunum getur verið sterk og er stundum um flúrlýsingu að ræða.  

Róleg rými

Til móts við innganginn á jarðhæð, norðan megin í safninu, er Stofan. Þar er venjulega lítið áreiti og gott að slaka á. Í stofunni er bókasafn og venjulega bækur og annar fróðleikur sem tengist sýningunum hverju sinni. Einnig er þar aðstaða fyrir fjölskyldur og börn en þar er að finna liti og blöð ásamt einhverjum leikföngum.

Á 2. hæð er aðstaða til að setjast niður og fá sér nesti og hvíla sig. Þar er venjulega kaffi og vatn í boði fyrir gesti.

Leiðsagnir

Listasafn Reykjavíkur auglýsir reglulega sérstaka opnunartíma fyrir fólk með einhverfu eða skynúrvinnsluvanda. Þá er áreiti á sýningum stillt með þarfir hópsins í huga (t.d. ljós og hljóð).

Heimsókn í safnið

Smellið hér til að finna félagsfærnisögu þar sem farið er yfir heimsókn í Listasafn Reykjavíkur – Hafnarhús, frá því komið er að safninu og þar til farið er heim aftur.

Leiðsagnir

Reglulega er boðið upp á leiðsagnir á táknmáli á sýningarstöðum safnsins. Tímasetning hverrar leiðsagnar er auglýst með góðum fyrirvara.