Umræðuþræðir: Barbara Vanderlinden | listasafnreykjavikur.is
18. janúar 2018 - 20:00

Umræðuþræðir: Barbara Vanderlinden

Barbara Vanderlinden
Staður viðburðar: 
Hafnarhús

Gestur á fyrsta fyrirlestri í röð Umræðuþráða árið 2018 er sýningarstjórinn Barbara Vanderlinden. Fyrirlesturinn fer fram á ensku og ber heitið The Communication Centre and Anti-Gallery Behind the Museum
 
Barbara er sjálfstætt starfandi sýningarstjóri sem hefur rannsakað og kennt sýningarfræði og –sögu. Hún var nýverið professor í sýningarstjórn við Listaháskólann í Helsinki. Hún hefur skrifað meðal annars bókina The Manifesta Decade: Debates on Contemporary Art Exhibitions and Biennials in Post-Wall Europe, Cambridge, MA: MIT Press, 2005. Þá var hún gestaprófessor við San Francisco Art Institute. Hún stofnaði og stýrði tvíæringnum í Brussel árið 2008 og var meðstjórnanri annars Manifesta tvíæringsins í Luxemburg, 1998. Á árunum 1996-2006 stofnaði hún og stýrði sýningarstaðnum Roomade, Office of Contemporary Art í Brussel. Meðal verkefna sem hún stýrði þar eru Laboratorium (Antwerpen, 1999), On the desperate and long-neglected need for small events (Brussel, Manahatten Tower, 1996), Indiscipline (Brussel, 2000), Carsten Höller: The Boudewijn Experiment, og Matt Mullican Under Hypnosis (Brussel, 1996-97).
 
Umræðuþræðir er samstarfsverkefni Kynningarmiðstöðvar íslenskrar myndlistar, Listaháskóla Íslands, og Listasafns Reykjavíkur. Í tengslum við verkefnið hefur allt frá árinu 2012 verið boðið hingað til lands fólki sem nýtur viðurkenningar í hinum alþjóðlega listheimi, ýmist á sviði listsköpunar, fræðastarfa eða sýningarstjórnunar. Lagt hefur verið upp með að skapa vettvang hérlendis fyrir alþjóðleg tengsl og umræður; gestirnir kynnast íslensku listalífi, stunda gestakennslu um leið og þau kynna eigin verk og hugðarefni opinberlega.

Aðgöngumiði á safnið gildir.

 

Frítt fyrir handhafa Árskorts Listasafns Reykjavíkur og Menningarkorts Reykjavíkur