3. mars 2016 - 21:00
4. mars 2016 - 20:00
5. mars 2016 - 20:00
6. mars 2016 - 18:00
7. mars 2016 - 20:00
8. mars 2016 - 20:00

Ný leikgerð af Skugga-Baldri

Skugga-Baldur
Staður viðburðar: 
Hafnarhús

Ný leikgerð byggð á skáldsögunni Skugga-Baldur eftir Sjón frumsýnd 4. mars 2016. Leikgerðin er eftir Kamilu Polívková, leikstjóra verksins, og Teru Hof leikara. Önnur listræn stjórnun er meðal annars í höndum myndlistar- og tónlistarmannanna Jóns Sæmundar, Ryan van Kriedt og Sindra Ploder. Sindri er ungur listamaður með Downs heilkenni eins og Abba, ein þriggja aðalpersóna sögunnar. Verkið verður fyrst sett upp í Prag nú í lok febrúar.  

Hin mikilvægu einkunnarorð „omnia mutantur - nihil interit“ („allt breytist - ekkert hverfur“) úr sögunni af hinni lævísu skepnu Skugga-Baldri er tilvitnun í Myndbreytingarnar eftir Óvidíus. Skuggi, hinn sérvitri sögumaður verksins, notar umbreytingu sem sína helstu leið til tjáningar, þar sem hann setur upp heldur áleitna sögu um veiðimann og skuggann hans, öskrandi tófur og aðrar skepnur, þurrkaða þorskshausa, mongólsk börn með Downs heilkenni, lótusætur, lyktina af Darjeeling tei og ópíumreykingar, miskunnsemi, samúð og fyrirlitningu, um Guð og rafmagnsrifrildi í jökulrassi, ferðalag gegnum snjóinn til undirheima, um glæp og refsingu og um prest sem lítur út eins og þúst í landslaginu.

Sýningin fer fram á ensku.

3. mars kl. 21 - forsýning
4. mars kl. 20 - frumsýning
5. mars kl. 20
6. mars kl. 18
7. mars kl. 20
8. mars kl. 20 - umræður eftir sýningu með Sjón

Miðasala er á https://midi.is/leikhus/1/9443/Skugga-Baldur og við inngang. 
Facebook síða verkefnisins er https://www.facebook.com/events/980824138664882/

Samstarfsaðilar eru Listasafn Reykjavíkur, Hitt húsið - miðstöð ungs fólks og List án landamæra. 
Verkið er styrkt af EEA Grants, með framlagi Íslands, Liechtenstein og Noregs.

Miðaverð kr. 2.500
Nemendur kr. 1.500
Aldraðir/öryrkjar kr. 1.000
Handhafar Menningarkorts fá 20% afslátt af miðaverði

Verð viðburðar kr: 
2 500
Verð fyrir öryrkja og aldraða: 
1000