Námskeið - LISTLEIKNI: Ragnar Kjartansson baksviðs | listasafnreykjavikur.is
7. september 2017 - 17:00 til 14. september 2017 - 19:00

Námskeið - LISTLEIKNI: Ragnar Kjartansson baksviðs

Auður Ava Ólafsdóttir listfræðingur, Ragnar Helgi Ólafsson, rithöfundur og listamaður, Benedikt Erlingsson leikstjóri og Elísabet Indra Ragnarsdóttir dagskrárgerðarmaður
Staður viðburðar: 
Hafnarhús

Námskeið í fjórum hlutum sem tekur fyrir myndlist Ragnars Kjartanssonar út frá mismundandi listgreinum. Í verkum hans flettast saman myndlist, leikhús, tónlist og bókmenntir með fjölbreyttum hætti. Fagfólk á hverju sviði flytur erindi um þær skírskotanir sem Ragnar vinnur með og hvaða hlutverki þær kunna að gegna í list hans.

Fyrirlesarar eru Auður Ava Ólafsdóttir listfræðingur, Benedikt Erlingsson leikari og leikstjóri, Elísabet Indra Ragnarsdóttir dagskrárgerðarmaður og Ragnar Helgi Ólafsson rithöfundur og listamaður.

Markús Þór Andrésson, sýningarstjóri sýningarinnar Guð hvað mér líður illa, verður með inngang að hverju þema. Þátttakendur verða margs vísari um listsköpun Ragnars Kjartanssonar en jafnframt um listir almennt. 

Listleikni eru heiti námskeiða sem Listasafn Reykjavíkur heldur fyrir fólk á öllum aldri. Í boði er fræðsla um myndlist og þjálfun í ýmsum verklegum og skapandi þáttum.

Námskeiðið Ragnar Kjartansson baksviðs fer fram aðra vikuna í september. Þátttökugjald er kr. 28.000.

Námskeiðið er niðurgreitt af flestum stéttarfélögum. Námsmenn, eldri borgarar og öryrkjar fá afslátt ásamt handhöfum Árskorts Listasafns Reykjavíkur og Menningarkorts Reykjavíkur.

Fimmtudagur 7. sept. kl. 17–19
Auður Ava Ólafsdóttir – Listasaga

Laugardagur 9. sept. kl. 11–13
Benedikt Erlingsson – Leiklist 

Sunnudagur 10. sept kl. 11–13
Elísabet Indra Ragnarsdóttir –  Tónlist 

Fimmtudagur 14. sept. kl. 17–19
Ragnar Helgi Ólafsson – Bókmenntir

Skráning hér

Verð viðburðar kr: 
28 000