Menningarnótt: Leiðsagnir um Einskismannsland | listasafnreykjavikur.is
18. ágúst 2018 - 16:00
18. ágúst 2018 - 18:00
18. ágúst 2018 - 20:00
18. ágúst 2018 - 22:00

Menningarnótt: Leiðsagnir um Einskismannsland

Staður viðburðar: 
Hafnarhús

Sérfræðingar Listasafns Reykjavíkur verða með leiðsögn um þann hluta sýningarinnar Einskismannsland: Ríkir þar fegurðin ein? sem er í Hafnarhúsi.
Þar er að finna fjölda verka eftir íslenska samtímalistamenn sem beina sjónum sínum að hálendi Íslands og breytilegu verðmætamati mannsins gagnvart náttúrunni. 

Víðernin leika hlutverk í sjálfsmynd og ímyndarsköpun landsmanna, þau eru mönnum rannsóknarefni og tilraunastöð, áskorun og afþreying, andleg og líkamleg heilsulind sem og ótæmandi brunnur ímyndunaraflsins.
Verkin á sýningunni endurspegla þessar ólíku hugmyndir eins og þær birtast í meðförum listamanna á hverjum tíma þótt leiðarljós þeirra sé ætíð listræn sýn og persónubundin túlkun.

Sýningin er þematísk samsýning með verkum íslenskra listamanna frá upphafi 20. aldar og til samtímans. 

Sýningin er tvískipt, sögulegur hluti hennar á Kjarvalsstöðum en verk eftir listamenn 21. aldarinnar eru sýnd í Hafnarhúsi. 

 

Verð viðburðar kr: 
0