Listsköpun, úrvinnsla og algrím - leiðsögn sýningarstjóra og samræður | listasafnreykjavikur.is
19. janúar 2017 - 17:00

Listsköpun, úrvinnsla og algrím - leiðsögn sýningarstjóra og samræður

Listsköpun, úrvinnsla og algrím
Staður viðburðar: 
Ásmundarsafn

Viktor P. Hannesson gengur um sýningarsali og leiðir umræður um sjónrænar tengingar abstraktlistar við algóriþma í tengslum við sýningu Ásmundar Sveinssonar og Þorvalds Skúlasonar: Augans börn. Viðmælandi Viktors er Kristleifur Daðason sem hefur fengið tækifæri til að starfa við ýmsa stafræna myndgreiningu og kynna sér það fræðasvið, komandi úr myndlistar- og hönnunarbakgrunni. Saman ræða þeir möguleikann á að nota slíkan greiningarbúnað við listfræðilegar rannsóknir. 

Viktor P. Hannesson er sýningarstjóri sýningarinnar í Ásmundarsal ásamt Bryndísi Erlu Hjálmarsdóttur. Hann útskrifaðist úr listnámi frá Listaháskóla Íslands árið 2012 og vinnur nú að meistaraprófsritgerð sinni í listfræði við Háskóla Íslands. Hann starfar m.a. sem aðstoðarmaður safnstjóra Listasafns Háskóla Íslands. 

Kristleifur Daðason er listamaður fastur í líkama tölvunarfræðings. Hann var einn af stofnendum Videntifier Technologies og er nú hjá Kúlu 3D. Kúla 3D býr til speglalinsur til að taka þrívíddarmyndir á venjulegar myndavélar og síma, og Videntifier er ákveðin bylting í stafrænni myndgreiningu og margmiðlunarleit, unnin upp úr íslenskum tölvunarfræðirannsóknum í Háskólanum í Reykjavík.

Aðgöngumiði á safnið gildir. Frítt fyrir handhafa Menningarkorts Reykjavíkur og Árskorts Listasafns Reykjavíkur.

Frítt fyrir handhafa Árskorts Listasafns Reykjavíkur og Menningarkorts Reykjavíkur: