16. febrúar 2019 -
13:00 til 15:00

LEIKUM AÐ LIST: Fjölskylduleiðsögn

LEIKUM AÐ LIST: Fjölskylduleiðsögn
Staður viðburðar: 
Ásmundarsafn

Skemmtileg fjölskylduleiðsögn í gegnum leik, um sýningu Ásmundar Sveinssonar „Undir sama himni“ sem tekur fyrir höggmyndir Ásmundar í almenningsrými. Ef veður leyfir verður einnig farið út í leiki í styttugarði Ásmundar.

Aðgöngumiði á safnið gildir, en að sjálfsögðu er ókeypis fyrir börn fram til 18 ára aldurs. Gert er ráð fyrir að börn komi í fylgd fullorðinna.

Á vorönn 2019 eru ýmsar listasmiðjur fyrsta laugardag í mánuði á Kjarvalsstöðum eins og Þingvallasmiðja, Op–Art smiðja og Blómasmiðja. Þá verður einnig Erró fjársjóðsleit í Hafnarhúsi, fjölskylduleiðsögn í Ásmundarsafni og ratleikir um útilistaverk á Klambratúni. 

LEIKUM AÐ LIST er yfirskrift fjölskyldudagskrár Listasafns Reykjavíkur. Þar eru börn sérstaklega boðin velkomin í safnið ásamt foreldrum sínum til þess að skoða og upplifa myndlist í gegnum leiki og skemmtilegar umræður. Boðið er upp á fjölskylduleiðsagnir sem sniðnar eru að yngri áhorfendum um sýningar í öllum safnhúsunum. Þá eru listasmiðjur fyrir börn og fjölskyldur þeirra þar sem gaman er að skapa sín eigin listaverk saman eftir heimsókn í sýningarsalina. Við LEIKUM AÐ LIST reglulega allt árið um kring og það er um að gera að fylgjast með á dagskrársíðu safnsins. Fjölskyldurýmin eru síðan alltaf opin, Hugmyndasmiðjan á Kjarvalsstöðum, Stofa í Hafnarhúsinu og Augnablik í Ásmundarsafni.

Skráðu þig á póstlista Listasafns Reykjavíkur og fáðu upplýsingar um skemmtilega fjölskylduviðburði og aðrar uppákomur á vegum safnsins. Handhafar Árskorts Listasafns Reykjavíkur og Menningarkorts Reykjavíkur fá frítt á alla viðburði safnsins.

Frítt fyrir handhafa Árskorts Listasafns Reykjavíkur og Menningarkorts Reykjavíkur