Leiðsögn: Án titils - samtímalist fyrir byrjendur | listasafnreykjavikur.is
6. september 2018 - 20:00

Leiðsögn: Án titils - samtímalist fyrir byrjendur

Leiðsögn: Án titils - samtímalist fyrir byrjendur
Staður viðburðar: 
Hafnarhús

Án titils - samtímalist fyrir byrjendur er heiti kvöldstunda í Hafnarhúsinu fyrsta fimmtudag í hverjum mánuði. Þá er tekið á móti þeim sem hafa áhuga á að kynna sér samtímalist en eru byrjendur á því sviði.

Hér fá gestir innsýn í heim myndlistar í dag - hvað eru listamenn að spá og hvernig virkar listasafn? Kíkt er á nokkur verk á sýningu og tækifæri gefst til að spjalla í góðu tómi um allt sem fólki dettur í hug og leita svara við því sem vekur furðu eða forvitni. Kvöldin eru kjörinn vettvangur ánægjulegrar samverustundar vinahópa, samstarfshópa og fjölskyldna. 

Þeir sem skilja hvorki upp né niður í samtímalist eða hafa jafnvel aldrei komið á listasafn eru sérstaklega velkomnir! 

Fyrsta kvöldstund vetrarins er fimmtudag 6. september kl. 20 og verður endurtekin mánaðarlega í vetur.  

Þátttökugjald er innifalið í aðgangsmiða að safninu. 

Engin þörf á skráningu.

Frítt fyrir handhafa Árskorts Listasafns Reykjavíkur og Menningarkorts Reykjavíkur