Leiðsögn – Ásmundur Sveinsson og Carl Milles | listasafnreykjavikur.is
26. nóvember 2017 - 14:00

Leiðsögn – Ásmundur Sveinsson og Carl Milles

Ásmundur Sveinsson, Venus, skissa í leir.
Staður viðburðar: 
Ásmundarsafn

Leiðsögn með Eddu Halldórsdóttur, verkefnastjóra skráningar.

Á yfirstandandi sýningu í Ásmundarsafni, List fyrir fólkið, hefur nú verið bætt tveimur sýningarborðum með verkum Ásmundar Sveinssonar (1893-1982) þar sem innblástur Carls Milles (1875-1955), lærimeistara Ásmundar á námsárunum í Svíþjóð, skín í gegn. Milles var einn merkasti myndhöggvari Svía en áhrif hans má greina í mörgum verka Ásmundar. Í leiðsögninni verður sjónum beint að þessum áhrifum og fjallað um samband Ásmundar og Milles.

Verk Milles hverfast um mannslíkamann og birta gjarnan goðsagnaverur í samspili við dýr, svo sem hesta eða sjávardýr, og er Milles sérstaklega þekktur fyrir gosbrunna og laugar þar sem vatn flæddi um skúlptúrana. Ásmundur vann þó nokkur verk og skissur sem gerðu ráð fyrir tjörn og gosbrunni og sýndu manneskjur samofnar fiskum og öðrum sjávardýrum. 

Aðgöngumiði á safnið gildir.

Frítt fyrir handhafa Árskorts Listasafns Reykjavíkur og Menningarkorts Reykjavíkur: