24. ágúst 2019 - 15:30
24. ágúst 2019 - 17:30

Kvæðakonan góða

Kvæðakonan góða
Staður viðburðar: 
Hafnarhús
Kjarvalsstaðir

Kvæðakonan góða er hópur kvenna í Reykavík sem kveður lausavísur og rímur. Vísurnar eru eftir eða um konur og eru kveðnar við stemmur (rímnalög) sem eru ýmist gamlar eða frumsamdar. Markmið hópsins er að halda á lofti menningararfinum okkar, endurnýja hann og endurskapa. 

Hópurinn flytur vísurnar tvisvar sinnum í Listasafni Reykjavíkur á Menningarnótt, á Kjarvalsstöðum kl. 15.30 og í Hafnarhúsi kl. 17.30.

Elstu vísurnar sem hópurinn flytur eru frá 17. öld og þær yngstu glænýjar. Margar af eldri vísunum segja frá störfum kvenna og lífsháttum. Í yngri vísunum er oft sagt frá stöðu kvenna á gamansaman hátt. Rímnaskáldin gömlu sóttu efnivið sinn í Íslendingasögurnar, ýmsar aðrar þekktar sögur og ævintýri, en jafnhliða voru ortar lausavísur undir sömu háttum. Vísurnar sem við höfum valið eru langflestar eftir konur og fjalla um líf þeirra, dagleg störf, náttúrufegurð, tilfinningar eða jafnvel gríska goðafræði. Margar stemmanna sem við kveðum eru gamlar og sumar mjög þekktar, en aðrar eru nýjar og enn aðrar spunnar um leið og kveðið er. 

Markmið hópsins er að halda menningararfinum okkar á lofti og endurnýja hann um leið. Hópurinn er nýbúinn að leggja Berlín að fótum sér. 

Dr. Ragnheiður Ólafsdóttir er listrænn stjórnandi hópsins.
 

Verð viðburðar kr: 
0