10. janúar 2019 - 20:00

Ingólfur Arnarsson: Fyrirlestur og leiðsögn

Ingólfur Arnarson myndlistarmaður. Ljósmynd: Hildur Inga Björnsdóttir.
Staður viðburðar: 
Hafnarhús

Ingólfur Arnarsson myndlistarmaður heldur fyrirlestur um verk sín og vinnuaðferðir í fjölnotasal Listasafns Reykjavíkur - Hafnarhúsi. Fyrirlestrinum lýkur með leiðsögn um sýninguna Jarðhæð.

Ingólfur hefur verið áhrifamikill í íslensku listalífi allt frá því að hann lauk listnámi í Hollandi snemma á níunda áratugnum. Teikning hefur ætíð skipað veigamikinn sess í listsköpun hans en teikningar Ingólfs einkennast af fíngerðum línum, nákvæmni og tíma. Hann hefur jafnframt unnið verk á steinsteypu þar sem þyngd iðnaðarframleiddra eininga myndar undirlag næmra litatóna.

Aðgöngumiði á safnið gildir.

Frítt fyrir handhafa Árskorts Listasafns Reykjavíkur og Menningarkorts Reykjavíkur