Hvernig verður málverk til? | listasafnreykjavikur.is
12. febrúar 2015 - 12:00

Hvernig verður málverk til?

Staður viðburðar: 
Hafnarhús

Hádegisleiðsögn með Kristínu Gunnlaugsdóttir um sýninguna Nýmálað 1 sem nú stendur yfir í Hafnarhúsi.

Sýningin Nýmálað hefur það að markmiði að gefa yfirlit yfir stöðu málverksins á Íslandi og efnir safnið til sýningar í tveimur hlutum, í Hafnarhúsi og á Kjarvalsstöðum, þar sem verk 85 starfandi listmálara eru sýnd. Svo víðtæk úttekt á íslensku samtímamálverki hefur ekki verið gerð áður.

Í leiðsögninni mun Kristín segja frá tilurð verka sinna á sýningunni og bera saman við verk annarra listamanna hvað varðar efnisnotkun og útlit. Eftir leiðsögnina er gestum boðið upp á ókeypis „kaffi og með því“.

Aðgangseyrir á sýninguna er kr. 1400, ókeypis fyrir Menningarkortshafa.

Sýning: 
Verð viðburðar kr: 
1 400
Frítt fyrir handhafa Árskorts Listasafns Reykjavíkur og Menningarkorts Reykjavíkur