30. október 2015 - 12:00

Hádegisleiðsögn: Listamenn Kvennatíma – Hér og nú þrjátíu árum síðar

Erla Þórarinsdóttir og Brynhildur Þorgeirsdóttir
Staður viðburðar: 
Kjarvalsstaðir

Brynhildur Þorgeirsdóttir, Erla Þórarinsdóttir og Hulda Hákon ræða við gesti um sýninguna Kvennatími – Hér og nú þrjátíu árum síðar sem nú stendur yfir á Kjarvalsstöðum.

Hugmyndin að baki sýningunni er að kalla aftur saman þær konur sem sýndu saman undir heitinu Hér og nú á Kjarvalsstöðum haustið 1985. Konurnar sem valdar voru til þátttöku árið 1985 voru margar rétt að hefja ferilinn en aðrar höfðu verið virkar í sýningarhaldi á liðnum áratug. Tilefni nýju sýningarinnar er 100 ára afmæli kosningaréttar kvenna hér á landi. Líkt og á sýningunni 1985 er lögð áhersla á að sýna ný verk og var öllum konunum á Hér og nú boðin þátttaka en þær eru allar enn virkar í listsköpun og sýningarhaldi, utan tveggja sem eru látnar. Verkin á sýningunni spanna ýmsar aðferðir, miðla og hugmyndir. 

Listamannaspjallið hefst kl. 12. Aðgangseyrir á sýninguna er kr. 1.400, ókeypis fyrir Menningarkortshafa.

Veitingastaðurinn á Kjarvalsstöðum býður upp á súputilboð í tilefni af leiðsögninni þar sem hægt er að fá súpu og heimabökuð brauð fyrir 1000 kr.

Frítt fyrir handhafa Árskorts Listasafns Reykjavíkur og Menningarkorts Reykjavíkur