Salir | listasafnreykjavikur.is

Salir

Hægt er að leigja fjölbreytt rými í safnhúsum Listasafns Reykjavíkur fyrir veislur og viðburði í Hafnarhúsi, á Kjarvalsstöðum og í Ásmundarsafni. Almennt er útleigu ætlað að fara fram utan opnunartíma safnsins, nema þegar um lokaða fundi er að ræða.

Verð, bókanir og nánari upplýsingar:
Björg Atladóttir 
listasafn@reykjavik.is
Sími 411 6400
 

Ásmundarsafn er leigt út fyrir viðburði eins og móttökur, giftingaveislur, myndatökur, fundi og fleira. Ekki er aðstaða til matargerðar eða geymslu á veitingum í húsinu. Húsið rúmar allt að 130 gesti. Sýningar safnsins eru aðgengilegar gestum en semja þarf fyrirfram um leiðsögn um sýningarnar á íslensku eða öðrum tungumálum.

Kjarvalsstaðir eru leigðir út fyrir viðburði eins og giftingaveislur, erfisdrykkjur, móttökur, fundi, afmæli, árshátíðir, tónleika, myndatökur og fleira. Veislussalur rúmar allt að 450 gesti og fundarsalur allt að 70 gesti. Sýningar safnsins eru aðgengilegar gestum ef samið er um það fyrirfram og hægt er að óska eftir leiðsögn á íslensku eða öðrum tungumálum.

Hafnarhúsið er leigt út fyrir viðburði eins og tónleika og tónlistarhátíðir, árshátíðir, giftingaveislur, afmæli, móttökur, fundi, kvikmyndahátíðir, myndatökur og fleira. Portið rúmar allt að 1.000 gesti og fjölnotasalurinn allt að 150 gesti. Sýningar safnsins eru aðgengilegar gestum ef samið er um það fyrirfram og hægt er að óska eftir leiðsögn á íslensku eða öðrum tungumálum.