Santiago Sierra: Kvikmyndir og önnur verk | listasafnreykjavikur.is

Veldu ár

2017 (11)
2016 (17)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
20.01.2012
15.04.2012

Santiago Sierra: Kvikmyndir og önnur verk

Á sýningunni Kvikmyndir og önnur verk er í fyrsta sinn á heimsvísu sýnt heildarsafn allra heimildarkvikmynda og myndbanda spænska listamannsins Santiagos Sierra. Sýningin samanstendur af 55 verkum auk áframhalds á gjörningnum NO, Global Tour.

Í verkum sínum tekst Sierra á við undirliggjandi þætti félagslegra og hagrænna yfirráða með hvassri gagnrýni og kaldhæðni. Drifkrafturinn á bak við verk eins og No, Global Tour er höfnun á andvaralausu fylgi við valdastofnanir þjóðfélagsins. Í því kemur fram óánægja með það hvernig lýðræðið hefur brugðist með tilliti til megininntaks lýðræðis hugtaksins sjálfs. Ef Sierra leitast við að skapa kringumstæður sem krefjast umræðu og hvetja jafnvel til skarpra deilna, þá er það til að undirstrika að án ágreinings getur lýðræði ekki þrifist. Gagnrýni og mótmæli eru nauðsynleg viðbrögð við óréttlæti og í raun grunnur lýðræðislegs þjóðfélags. Af þessum ástæðum hafa verk Sierra sérstaka þýðingu fyrir Ísland í dag. Í kjölfar efnahagshrunsins hefur víðtækt endurmat á félagslegum, hagrænum og pólitískum stofnunum þjóðarinnar farið af stað. Með  heildaryfirliti á verkum Sierra, þar sem viðbrögð hans við ólíkum stöðum, félagslegum, hagrænum og pólitískum aðstæðum koma skýrt fram, er ætlunin að hvetja til umræðu um innviði þjóðfélagsins og áframhaldandi andstöðu gegn þeim öflum sem ollu hruninu.

Sierra fæddist árið 1966 í Madrid á Spáni. Hann stundaði þar nám og síðar í Hamborg, Þýskalandi og í Mexikóborg. Hann bjó í Mexíkó í 14 ár og hafði sú dvöl afgerandi áhrif á afstöðu hans til myndlistar og stjórnmála. Verk Sierras hafa verið sýnd í mörgum af helstu samtímalistasöfnum heims, eins og í Tate Modern, London, Kunst-Werke Berlin, Palais de Tokyo, Paris, Irish Museum of Modern Art - IMMA, Dublin, CAC, Malaga, ICA, Boston og P.S.1 Contemporary Art Center, New York. Hann var fulltrúi Spánar á Feneyjatvíæringnum 2003. Árið 2010 var Sierra útnefndur til Þjóðarverðlauna Spánar fyrir myndlist en hann afþakkaði verðlaunin á þeim forsendum að þau væru misnotkun á orðstír listamanna í þágu ríkisins. Sierra býr og starfar í Madrid.

Listamaður/-menn: 
Ljósmyndari mynda af sýningu: 
Pétur Thomsen
Sýningarstjóri/-ar: 
Hafþór Yngvason
Yean Fee Quay
Boðskort: 
Sýningarskrá: 
Sýningarskrá: 
Myndir frá opnun: 
Myndbönd