Mel Ramos | listasafnreykjavikur.is

Veldu ár

2017 (15)
2016 (17)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
18.09.2010
07.10.2010

Mel Ramos

Mel Ramos fæddist í Sacramento í Kaliforníu 1935 og telst, ásamt þeim Wayne Thibaud og Ed Ruscha, forgöngumaður popplistarinnar á vesturströnd Bandaríkjanna. Í upphafi sjöunda áratugarins var hann farinn að mála teiknimyndasöguhetjur – Leðurblökumanninn, Súpermann og fleiri og með því að mála þessar fígúrur sem nutu vinsælda meðal almennings, staðsetti hann sig í hóp þeirra sem fremst fóru í alþjóðlegu popplistar-hreyfingunni. Árið 1963 fór hann að mála kvenhetjur teiknimyndasagnanna, t.d. Ofurkonuna,  á ögrandi og lostafullan hátt  og kynnti með því til sögunnar nokkuð sem átti eftir að einkenna verk hans upp frá því.

Eftir 1965 þróaði Mel sérstaka tegund af ,,tilbeiðslu-popplist“ með því að setja saman myndir af nöktum opnustúlkum úr bandarískum karlablöðum og –dagatölum (svo sem Playboy og Penthouse) og umbúðum utan af vinsælum neysluvörum í yfirstærð (gosflöskum, sígarettupökkum, súkkulaðistykkjum o.fl.), sem oftast er litið á, og þjóna tilgangi sínum gjarnan, sem reðurtákn. Þessi velþekkta myndröð hans af nöktu stúlkunum, sem og gægju-myndaröðin Peek-a-boo (Á gægjum) frá 1964, sem sýnir svefnherbergi kvenna séð gegnum skráagöt, eru háðsádeila á þá ímynd kvenna sem var sett fram í fjölmiðlum og auglýsingum í neyslusamfélaginu, en kallar einnig á hugvitssamlegan hátt, fram í hugann það sem á undan kom, nefnilega hefðbundin málverk af nöktum konum í vestrænni myndlist. Á áttunda áratugnum endurgerði Mel og túlkaði á sinn hátt fræg nektarmálverk eldri meistara, meðal annars eftir Boucher, Ingres, Manet og Modigliani, og skipti léttri erótík þeirra út fyrir grófari og dónalegri nálgun, eins og tíðkast í klámblöðum, þó alltaf á skoplegan hátt. Þessi ástríðufulli aðdáandi kvenlíkamans gerir engan greinarmun á því hvort fyrirmyndir hans koma úr viðurkenndum listaverkum eða frá fjölmiðlum, sem oft flokkast til lágmenningar.

Ernst Hilger, galleríeigandi í Vínarborg, hefur með höfðinglegu framlagi sínu gert þessa sýningu á verkum Mel Ramos mögulega. Frá Ernst Hilger komu þessar 30 litógrafíur, útgefnar af honum sjálfum milli 1996 og 2009, prentaðar hjá Stamperia Carini í Flórens. Mel Ramos hefur verið afkastamikill og lagt mikið af mörkum til svartlistarinnar og grafíkverk hans hafa aukið vinsældir hans umtalsvert bæði austan og vestan hafs. Grafíkverkin endurspegla viðfangsefnin úr málverkum hans og það er aðdáunarvert hvernig honum tekst að yfirfæra myndmál sitt milli miðla og gera ,,opnumyndir“ sínar ógleymanlegar – og þar með sjálfan sig. 

Listamaður/-menn: 
Ljósmyndari mynda af sýningu: 
Pétur Thomsen
Sýningarstjóri/-ar: 
Danielle Kvaran