Lúðurhljómur í skókassa - Gjörningar Magnúsar Pálssonar 1980 – 2013 | listasafnreykjavikur.is

Veldu ár

2017 (15)
2016 (17)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
18.05.2013
01.09.2013

Lúðurhljómur í skókassa - Gjörningar Magnúsar Pálssonar 1980 – 2013

Magnús Pálsson (f. 1929) hefur verið einn áhrifamesti listamaður hér á landi síðustu sex áratugi og hefur alla tíð starfað á mörkum leikhúss, tónlistar og myndlistar. Sem leikmyndahönnuður á 6. áratug síðustu aldar kom hann fram með annars konar formvitund og nútímalegri sýn á leikhúsið en íslenskir áhorfendur áttu að venjast. Hann deildi um nokkurra ára skeið vinnustofu í Reykjavík með listamanninum Dieter Roth (1930-1998) og saman voru þeir leiðandi í miklum umbreytingum sem áttu sér stað í íslenskri myndlist á sjöunda og áttunda áratugnum. Magnús er þekktastur fyrir skúlptúra sem byggjast á gjörningum sem hann gerði á 8. áratug síðustu aldar en einnig fyrir aðra gjörninga sem hann hefur gert síðustu þrjá áratugi. Stærsta áhugamál hans og viðfangsefni margra verka eru hljóð og hrynjandi tungumálsins og hið rýmisbundna form þess, en leikur og grín eru aldrei víðs fjarri.

Listahátíð í Reykjavík og Listasafn Reykjavíkur standa saman að yfirlitssýningu yfir verk Magnúsar í nánu samstarfi við hann sjálfan. Á sýningunni verður hið skapandi tilraunarými á milli listgreina, eins og það hefur birst í gjörningum Magnúsar, gert lifandi og aðgengilegt fyrir áhorfendur. Hinir margvíslegu þræðir sem verk hans hverfast um verða endurtúlkaðir af tónskáldum, leikurum, myndlistarmönnum og listnemum. Sýningin verður smám saman til fyrir augum áhorfenda vikuna 18. - 25. maí, samhliða því að fimm gjörningar Magnúsar verða endurfluttir í nýrri mynd og nýtt verk, Stuna, frumflutt.

Sýningarstjórar: Hanna Styrmisdóttir og Jón Proppé.

 

Listamaður/-menn: 
Ljósmyndari mynda af sýningu: 
Pétur Thomsen
Sýningarstjóri/-ar: 
Hanna Styrmisdóttir
Jón Proppé
Boðskort: 
Sýningarskrá: 
Sjá sýningarskrá (545.48 KB)
Sjá sýningarskrá (192.09 KB)
Sýningarskrá: 
Aðrar myndir af sýningu: