Ljóðheimar: Ljóðræn abstraktverk íslenskra listmálara 1957-1970 | listasafnreykjavikur.is

Veldu ár

2017 (15)
2016 (17)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
08.09.2012
04.11.2012

Ljóðheimar: Ljóðræn abstraktverk íslenskra listmálara 1957-1970

Með sýningunni Ljóðheimar er leitast við að rýna í þróun ljóðrænnar abstraktlistar á Íslandi í gegnum þrjár kynslóðir listamanna á tímabilinu 1957–1970. Sýningin er tilraun til endurmats á kenningunni um að strangflatalistin, sem þekkt varð snemma á sjötta áratug síðustu aldar, hafi verið tímabundið rof í þróunarsögu landslagsmynda, einnar meginstoðar íslenskrar myndlistar á 20. öld.

Undanfari ljóðrænnar abstraktlistar á Íslandi, en ættfeður hennar eru listamenn á borð við Jóhannes S. Kjarval, Jón Stefánsson og Finn Jónsson, þróaðist áfram í formi abstraktlistar með náttúruívafi, nánast samhliða strangflatalistinni. Liststefnan óx og dafnaði undir áhrifum ljóðrænnar myndlistar í Frakklandi og stórbrotinna verka abstrakt-expressjónista í Bandaríkjunum og tók á sig séríslenska mynd sem birtist m.a. í verkum Svavars Guðnasonar, Kristjáns Davíðssonar, Eiríks Smith, Harðar Ágústssonar og Steinþórs Sigurðssonar. Talið er að einkasýning Kristjáns Davíðssonar árið 1957 hafi verið fyrsta hreinræktaða sýningin undir formerkjum ljóðrænnar abstraktlistar. Við upphaf sjöunda áratugarins tekur við ný kynslóð myndlistarmanna, sem alla jafna eru ekki þekktir fyrir ljóðræna abstraktlist sína, en verk þeirra eru ekki síður náttúrutengd en forvera þeirra.

Fræðandi listsmiðja fyrir fjölskyldur var haldin í tengslum við sýninguna og kölluð "Smiðjan - Málað á ferð."

Viðburðir tengdir sýningu: 
Á sýningartímabilinu verður efnt til fjölbreyttrar viðburðadagskrár sem hefst sunnudaginn 16. september með sýningarstjóraspjalli Aðalsteins Ingólfssonar. Sýningarstjóri er Aðalsteinn Ingólfsson, og verður bók hans um þetta tímabil íslenskrar myndlistarsögu gefin út meðan á sýningunni stendur. Dagskrá: Sunnudag 16. september kl. 14 Kjarvalsstaðir –Ljóðheimar Sýningarstjóraspjall Aðalsteins Ingólfssonar. Sunnudag 23. september kl.15 Kjarvalsstaðir –Ljóðheimar Gestaspjall Björns Þorsteinssonar heimspekings um grundvallarstef tilvistarstefnunnar. Sunnudag 14. október kl. 15 Kjarvalsstaðir –Ljóðheimar Fjölskylduleiðsögn og smiðja þar sem unnið er með málaralistina með áherslu á hreyfingu og liti. Sunnudag 28. október kl. 15 Kjarvalsstaðir – Ljóðheimar Gestaspjall Bjarna Sigurbjörnssonar myndlistarmanns.