Kjarvalsstaðir
-
Allt frá opnun Kjarvalsstaða árið 1973 hefur eitt helsta verkefni Listasafns Reykjavíkur verið að sýna og kynna verk Jóhannesar Sveinssonar Kjarvals. Það hefur mátt ganga að verkum meistarans vísum í austursal Kjarvalsstaða, þar sem efnt hefur verið til sýninga bæði úr eigu safnsins og einkasöfnum.
Leitast hefur verið við að kynna hinar ýmsar hliðar á list hans og skapa þannig sem heilstæðasta mynd af ferli hans. Sýningin "Falinn fjársjóður" fylgir þessari hefð, en tilkoma sýningarinnar er óvenjuleg. Í febrúar á þessu ári kom í leitirnar í Danmörku þekkt verk eftir Kjarval, "Hvítasunnudagur", en afdrif verksins höfðu verið á huldu nánast frá upphafi.
Mikil eftirvænting ríkti því þegar af verkinu fréttist á uppboði í Kaupmannahöfn.
Ekki minnkaði eftirvæntingin þegar kaupandinn var ónafngreindur en mörgum létti þegar í ljós kom að verkið yrði flutt heim til Íslands. Nú er þetta verk í öndvegi á sýningunni í austursal Kjarvalsstaða..
Umfjöllun fjölmiðla PDF
Sýningarskrá
Sýningarstjóri/-ar
Aðalsteinn Ingólfsson
Umfjöllun fjölmiðla
Listamenn
Boðskort
Sýningarskrá JPG