Hreinn Friðfinnsson | listasafnreykjavikur.is

Veldu ár

2017 (15)
2016 (17)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
02.11.2007
27.01.2008

Hreinn Friðfinnsson

Verk Hreins Friðfinnssonar einkennast af næmi og léttleika og eru kunn fyrir ljóðrænan tón sem hefur þau yfir oft hversdagsleg viðfangsefni og efnivið. Hreinn notar ljósmyndun og teikningu auk skúlptúrs og innsetninga. Á þessari sýningu eru verk frá upphafi ferilsins fram á okkar dag. Náttúran er í veigamiklu hlutverki í verkum Hreins. Hann ólst upp á bóndabæ, á fimmta og sjötta áratugnum, í tilkomumiklu íslensku landslagi.

Að eigin sögn er ómögulegt að greina hann sjálfan frá landslaginu, það er í líkama hans og sál. Upplifun hans í æsku af gríðarlegum óbyggðum og takti þeirra liggur til grundvallar þegar skilja skal verk hans. Tjáningarmáti hans, sem undirstrikaður er af hárfínni kímni, einkennist af endurtekningum, draumum, þjóðsögum, sjónblekkingum og hinu yfirnáttúrulega. Hreinn notar þessi viðfangsefni í leit að jafngildi hluta.

Á þessari sýningu er til dæmis ekkert verk öðru fremra eða í aðalhlutverki. Þess í stað erum við stödd í miðju dreifðrar veraldrar þar sem áherslur eru jafnar og undur einfaldrar uppgötvunar er tilefni til fagnaðar. Hreinn fæddist árið 1943 á Bæ í Dölunum. Hann skipaði sér í framvarðasveit íslenskra framúrstefnulistamanna þegar hann tók þátt í stofnun SÚM hópsins árið 1965. Snemma á áttunda áratugnum flutti hann til Amsterdam þar sem hann hefur búið og starfað síðan. Sýningin er unnin í samstarfi við Serpentine Gallery í London þar sem hún var sýnd fyrr á þessu ári og sló þar öll aðsóknarmet með 78.500 gestum á sjö vikna sýningartímabili.

Listamaður/-menn: 
Ljósmyndari mynda af sýningu: 
Brooks Walker
Sýningarstjóri/-ar: 
Kitty Scott
Boðskort: 
Sýningarskrá: 
Sýningarskrá: 
Viðburðir tengdir sýningu: 
Sunnudag 25.11. Ingólfur Arnarsson tekur þátt í leiðsögn um sýninguna. Sunnudag 18.11. Fjölskyldustund í Hafnarhúsi. Laugardag 12.11. Málþing: Poetic - Íslenska konseptið. Þáttakendur: Eva Heizler, Gunnar J. Árnason, Unnar Auðarson og fleiri.