D23 Úlfur Karls­son: Við erum ekki hrædd

Skilningsleysi / Misunderstanding, 1988.

D23 Úlfur Karlsson: Við erum ekki hrædd

Hafnarhús

-

Í vetur hefst aftur sýningaröð sem nefnd er eftir D-sal Hafnarhússins. Markmið hennar er að vekja athygli á listamönnum sem hafa ekki haldið áður einkasýningar í stærri söfnum landsins og gefa efnilegum listamönnum tækifæri til að vinna út frá eigin forsendum inn í opinbert safn. Alls tóku 22 listamenn þátt í verkefninu á árunum 2007–2011og hlaut það Menningarverðlaun DV árið 2009.

Nú verður haldið áfram þar sem staðar var numið en sýningaröðin er framtíðarverkefni safnsins. Sýningarnar eru skipulagðar af sýningarstjórum Listasafns Reykjavíkur. 

Fyrsta sýningin í D- salnum að þessu sinni nefnist D23 og er á verkum Úlfs Karlssonar (f. 1988). Úlfur hóf feril sinn sem kvikmyndagerðarmaður en sneri sér að listmálun meðan hann var í námi í Valand listaháskólanum í  Gautaborg þaðan sem hann útskrifaðist árið 2012. Verk hans eru marglaga sögur og atvik sem þróast í veröld sem hefur vísun í bæði raunverulegan og ævintýralegan heim.

Úlfur býr og starfar hér á landi og verk hans hafa verið sýnd í Svíþjóð, Grikklandi og Íslandi..

Myndir af sýningu

Ítarefni

Sýningarstjóri/-ar

Yean Fee Quay

Listamenn