Berglind Jóna Hlynsdóttir: Class Divider | listasafnreykjavikur.is

Veldu ár

2017 (15)
2016 (17)
2015 (20)
2014 (19)
2013 (17)
2012 (17)
2011 (23)
2010 (26)
2009 (26)
2008 (24)
2007 (26)
2006 (14)
2005 (16)
2004 (24)
2003 (32)
2002 (18)
2001 (20)
2000 (19)
1999 (13)
1998 (11)
1997 (14)
1996 (17)
1995 (17)
1994 (17)
1993 (22)
1992 (27)
1991 (24)
1990 (24)
1989 (25)
1988 (38)
1987 (38)
1986 (26)
1985 (28)
1984 (34)
1983 (28)
1982 (30)
1981 (26)
1980 (27)
1979 (21)
1978 (23)
1977 (21)
1976 (24)
1975 (19)
1974 (11)
1973 (11)
03.03.2016
10.04.2016

Berglind Jóna Hlynsdóttir: Class Divider

Berglind Jóna Hlynsdóttir (f. 1979) hóf feril sinn sem ljósmyndari. Hún lauk BA gráðu frá Listaháskóla Íslands 2006 og MA gráðu frá Valand School of Fine Arts í Svíþjóð árið 2010. Berglind Jóna hefur starfað sem myndlistamaður á Íslandi, í Svíþjóð og í Brasilíu. Hún hefur unnið að stórum verkefnum í almenningsrýmum og tekið þátt í ótal alþjóðlegum samsýningum og samstarfsverkefnum, en þetta er fyrsta einkasýning hennar í opinberu safni. 
 
Viðfangsefni hennar eru margvísleg en spyrja gjarnan spurninga er snúa að almenningsrýmum. Í borgarsamfélagi, þar sem umhverfið er manngert og hver staður er hannaður í einhverjum tilgangi, kannar Berglind umhverfið út frá sögu og væntingum sem samfélagið ber til þeirra. Í verkinu Class Divider fjallar Berglind um visst fyrirbæri sem er hannað í þeim tilgangi að aðgreina flugfarþega. Class divider sem þýðir einfaldlega stétt-skipting, vekur upp spurningar um það hvernig við búum til tæki og kerfi til að flokka fólk eftir samfélagstöðu á hinum ýmsu stöðum. 
 
Af nýlegum sýningum sem Berglind Jóna hefur tekið þátt í má nefna samsýninguna Double Bind sem var sýningastýrt af Rupert stofnuninni í Litháen (2015) og sýnd á þremur stöðum í Litháen og svo bæði í Noregi og á Íslandi (2016), verkið Gangverkið-Endurminningar klukkunnar á Lækjartorgi, sem var sett upp í almenningsrými í Reykjavík (2014). Á meðal alþjóðlegra sýninga sem hún hefur tekið þátt í eru 4th International Sinope Biennal - Wisdom of Shadow: Art in the Era of Corrupt Information í Tyrklandi (2012). LET ME THINK! sýningastýrt af Laura Mott, 3rd Moscow Biennale, Red October, Moskva (2009). Berglind var valin til að keppa um Hasselblad verðlauninn: Victor Stipendium og tók þátt í tveimur sýningum á þeirra vegum: New Nordic Photography í Hasselblad Center, Gautaborg og Center For Photography, Stokkhólmi (2010). 
 
Sýningaröðin, sem nefnd er eftir D-sal Hafnarhússins, hófst árið 2007. Þar eru að jafnaði sýnd verk eftir listamenn sem ekki hafa áður haldið einkasýningar í stærri söfnum landsins. Markmið sýningaraðarinnar er að gefa efnilegum listamönnum tækifæri til að vinna innan veggja safnsins og beina athygli gesta að nýjum og áhugaverðum hræringum innan listheimsins. Á árinu 2016 eru áætlaðar alls fimm sýningar í sýningaröðinni, en sýnendur eru Sæmundur Þór Helgason, Berglind Jóna Hlynsdóttir, Arnfinnur Amazeen, Örn Alexander Ámundason og Ingibjörg Sigurjónsdóttir.

 
 
 

Listamaður/-menn: 
Sýningarstjóri/-ar: 
Klara Þórhallsdóttir
Myndir frá opnun: