Listaverk vikunnar: Íslandsvarðan

Listaverk vikunnar: Íslandsvarðan. Ljósmynd: Hildur Inga Björnsdóttir.

Listaverk vikunnar er Íslandsvarðan eftir Jóhann Eyfells frá 2006. Verkið er staðsett við Sæbraut. 

Verkið er afrakstur tilrauna með að hella fljótandi málmi ofan í jarðvegsmót. Jóhann gróf holu í jarðveginn og verkið er í raun afsteypa hennar á hvolfi. Ófyrirséð samspil ýmissa þátta í ferlinu leiðir til óvæntrar niðurstöðu. Verkinu má líkja við Reykjavíkurvörðuna sem hann vann árið 1969 og stendur á Klambratúni. Verkin bera senn í sér mynd vörðunnar og hrauns sem hleðst upp og storknar í slíkri kynjamynd. Hugmyndin að vörðunum er tenging við vörður sem vegvísa aldanna. Þótt Jóhann Eyfells hafi eytt megninu af starfsævi sinni vestanhafs er tengingin við Ísland augljós, bæði við jarðfræði og sögu.

Sýningin Áþreifanlegir kraftar með verkum Jóhanns Eyfells stendur nú yfir í Ásmundarsafni til og með 25. ágúst 2019.