Frítt fyrir Ásmund í Ásmundarsafn 2018 | listasafnreykjavikur.is

Frítt fyrir Ásmund í Ásmundarsafn 2018

Ásmundur Sveinsson

Í tilefni þess að 125 ár eru frá fæðingu Ásmundar Sveinssonar myndhöggvara, er öllum sem heita Ásmundur boðið endurgjaldslaust í Ásmundarsafn árið 2018 ásamt einum gesti. Ekki skiptir máli hvað gesturinn heitir!

Starfsfólk Listasafns Reykjavíkur hvetur Ásmunda þessa lands að nýta sér þetta tækifæri og kynna sér verk nafna síns; byggingu, útilistaverk og fjölda skemmtilegra verka sem nú eru sýnd á sýningunni List fyrir fólkið í Ásmundarsafni.