Brotið úr Berlínarmúrnum endurgert | listasafnreykjavikur.is

Brotið úr Berlínarmúrnum endurgert

Þýski götulistamaðurinn Jakob Wagner endurgerir listaverk sitt á brot úr Berlínarmúrnum sem stendur við Borgartún í Reykjavík á morgun, miðvikudaginn 16. ágúst. Hann hefst handa á hádegi og gera má ráð fyrir að hann ljúki verkinu síðdegis á morgun.

Reykjavíkurborg fékk brotið úr Berlínarmúrnum að gjöf frá listamiðstöðinni Neu West Berlin árið 2015. Verkið sem var á brotinu var ekki frá tímum múrsins, heldur var það málað fyrir nokkrum árum. Óblíð veðrátta skemmdi verkið en nú verður það endurgert þannig að það þoli betur íslenskt veðurfar.