Menningarverðlaun DV fyrir D-salinn

Listasafn Reykjavíkur hlaut í gær, miðvikudaginn 10. mars, Menningarverðlaun DV 2009 fyrir sýningaröð í D-sal Hafnarhússins. Sýningaröðin hóf göngu sína í febrúar 2007 og stendur enn yfir, en nú sýnir þar 16. listamaðurinn í röðinni sem er Katrín Elvarsdóttir. Með verðlaununum þykir Listasafni Reykjavíkur sýnt að hvatning við unga listamenn er metin að verðleikum og jafnframt eru verðlaunin áskorun til Listasafnsins um að gera enn betur á þeim vettvangi. Listasafn Reykjavíkur vill nota tækifærið og þakka öllum þeim listamönnum sem hafa gert verkefnið að veruleika, en þeir lögðu kraft og metnað í að gera sem mest úr því tækifæri sem þeim var skapað. Sýningarstjóri sýningaraðarinnar er Yean Fee Quay.
> Sjá nánar

HönnunarMars 2010. Fimmtudag 11. mars kl. 20

Dagana 18. – 21. mars stendur Hönnunarmiðstöðin öðru sinni fyrir HönnunarMars sem er fjögurra daga hátíð íslenskrar hönnunar og arkitektúrs. Af þessu tilefni verður Hönnunarmiðstöð með kynningu í Listasafni Reykjavíkur – Hafnarhúsi fimmtudagskvöldið 11. mars kl. 20 þar sem farið verður yfir það helsta sem í boði er á HönnunarMars. Hafnarhúsið verður helsti vettvangur hátíðarinnar en þar verða í boði fyrirlestrar, móttökur, sýningar og fleira.
> Sjá nánar

Málþing um Blæbrigði vatnsins. Sunnudag 14. mars kl. 15

Þrjú erindi verða flutt á málþingi á Kjarvalsstöðum sem helgað er vatnslitasýningunni Blæbrigði vatnsins og fer fram sunnudaginn 14. mars kl. 15. Fyrirlesarar eru Aðalsteinn Ingólfsson, JBK Ransu og Harpa Björnsdóttir. Að loknu hverju erindi verður boðið upp á fyrirspurnir.
> Sjá nánar

Aðsóknarmet slegið - Tvö hundruð og tuttugu þúsund gestir

Aðsóknarmet var slegið í Listasafni Reykjavíkur á síðasta ári þegar gestafjöldinn fór í fyrsta sinn yfir tvö hundruð þúsund, en heildargestafjöldi ársins 2009 nam samtals tvö hundruð og tuttugu þúsundum. Aukningin nemur 20% milli áranna 2008 og 2009 en aðgangur að safninu var gefinn frjáls 1. janúar 2008.
> Sjá nánar

Erró í Pompidou safninu í París

Þann 17. febrúar, var opnuð í Pompidou safninu í París yfirlitssýning á klippimyndum erftir Erró. Sýningin spannar 50 ára sögu klippimynda Errós eða frá 1958 til 2009. Erró gaf Pompidou á sjöunda tug klippimynda á síðasta ári og fyrirhugar meira framlag á þessu ári.
> Sjá nánar

Hönnunarsamkeppni byggð á verkum Ásmundar Sveinssonar

Samstarfsverkefni Kraums, Listasafns Reykjavíkur og Hönnunarmiðstöðvar Íslands. Verslunin Kraum, Listasafn Reykjavíkur og Hönnunarmiðstöð Íslands standa í annað sinn fyrir hönnunarsamkeppni þar sem sjónum er beint að ákveðnum listamanni.
> Sjá nánar